Шкурын забіў ў фінале Кубка Польшчы і дапамог “Легіі” трапіць у еўракубкі

2 траўня ў Варшаве адбыўся фінал Кубка Польшчы. “Легія” беларуса Іллі Шкурына абыграла “Пагонь” з лікам 4:3, а сам ён адзначыўся забітым мячом.

Матч Ілья пачаў на лаўцы запасных, але на 60-й хвіліне трэнер выпусціў гульца на поле. І літаральна ў першай жа атацы беларус мог забіваць, але брамнік злавіў мяч пасля яго трампанага стрэлу.

А ўжо праз хвіліну партнёр Іллі вывеў яго дакладным пасам сам насам з брамніком, Шкурын халаднакроўна абыграў галкіпера і адправіў мяч у сетку, зрабіўшы лік 3:1 на карысць “Легіі”.

Фінальны свісток суддзі зафіксаваў перамогу каманды Шкурына — 4:3. Гэта першы трафей беларускага футбаліста.

Перамога ў фінале дазволіць варшаўскай камандзе выступіць у кваліфікацыі Лігі Еўропы ў сезоне 2025/26.

Марш фанатаў, сутычкі з паліцыяй і моцны перформанс

Да матча тысячы фанатаў “Легіі” правялі марш па горадзе, паралізаваўшы рух у цэнтры Варшавы.

Перад пачаткам гульні каля ўваходу на стадыён адбыліся сутычкі фанатаў з паліцыяй, якая выкарыстала вадамёты і перачны газ.

Перад стартавым свістком фанаты “Легіі” вывесілі велізарны банер з сімвалам Варшавы — русалкай і надпісам “Варшава любіць пераможцаў”.