"Сабатаж надзеяў": што кажуць у ЕС пасля атакі Расіі на Кіеў

Еўрасаюз рыхтуе новы пакет санкцый супраць Расіі пасля атакі на Кіеў. Ахвярамі начнога абстрэлу сталі як мінімум 23 чалавекі, сярод іх чацвёра дзяцей. Яшчэ дзясяткі людзей атрымалі параненні.

Усе загінулыя, акрамя аднаго, знаходзіліся ў пяціпавярховым жылым доме. Каля 3-й гадзіны ночы ў яго трапіў снарад.

Таксама падчас атакі пацярпела дыпламатычная місія ЕС.

"Дзве ракеты ўпалі на адлегласці 50 метраў ад прадстаўніцтва на працягу 20 секунд", — цытуе ВВС кіраўніцу Еўракамісіі Урсула фон дэр Ляйен.

Прэм’ер-міністр Вялікабрытаніі Кір Стармер абвінаваціў прэзідэнта Расіі Уладзіміра Пуціна ў "сабатажы надзеяў на мір", а вярхоўны прадстаўнік ЕС па замежных справах Кая Калас заявіла, што расіяне прадэманстравалі "свядомы выбар на карысць эскалацыі і высмейвання намаганняў па дасягненні міру".

Спецыяльны прадстаўнік ЗША па Украіне Кіт Келаг заявіў, што атакі Расіі на жылыя раёны пагражаюць міру, да якога імкнецца прэзідэнт Дональд Трамп.