На амерыканскай АЭС абвешчаны рэжым надзвычайнай сітуацыі
28 сакавіка, у службу 911 горада Сібрук паступіў званок пра задымленне на тэрыторыі аднайменнай АЭС.
Крыніцай дыму стаў трансфарматар ліфта аднаго з вытворчых будынкаў на тэрыторыі АЭС. Пажарныя разлікі электрастанцыі справіліся з узгараннем самастойна, гарадскія аператыўныя службы для тушэння пажару не прыцягваліся, паведамляе Reuters.
У прэс-службе электрастанцыі "Сібрук" асоба падкрэслілі, што адкрытага агню, асабліва зблізку энергаблокаў, на станцыі не назіралася. Бяспецы супрацоўнікаў АЭС і жыхароў Сібрука нішто не пагражае.
