Беларуская АЭС — "псіхалагічная зброя"
Фракцыя Хрысціянскай партыі ў Сойме Літвы лічыць, што будучая беларуская АЭС можа стаць "псіхалагічнай зброяй супраць Вільні".
Такую заяву, як паведамляе ІА REGNUM, фракцыя зрабіла 23 сакавіка. На думку палітыкаў, улады Беларусі "парушаюць міжнародныя канвенцыі і прынцыпы сяброўскага суседства". Яны таксама падкрэслілі, што такая сітуацыя склалася ў тым ліку праз тое, што ўлады Літвы "ў адрозненне ад іншых краінаў ЕС дэманструюць добразычлівасць" адносна афіцыйнага Мінска.
