Рэпетытарам ўсё ж дазволяць выкарыстоўваць Zoom для працы з вучнямі
Інтэрнэт, ілюстрацыйнае фота / pixabay.com
Завяршылася грамадскае абмеркаванне праекта пастановы аб рэгуляванні працы рэпетытараў і дэфектолагаў. Праект выклікаў шмат крытыкі з боку настаўнікаў і рэпетытараў.
У выніку з дакумента выключылі норму, якая патрабавала ад рэпетытараў выкарыстоўваць для заняткаў толькі беларускія анлайн-сэрвісы, адмовіўшыся, напрыклад, ад Zoom і Microsoft Teams, піша pravo.by. Таксама рэпетытарам далі права працаваць з вучнямі ў групах, аднак яны не павінныя перавышаць чатырох чалавек.
Таксама ў дакуменце будзе пункт пра тое, што рэпетытары абавязаныя падаваць выпіску аб адсутнасці ў іх правапарушэнняў або злачынстваў, якія абмяжоўваюць працу з дзецьмі.
Раней Міністэрства адукацыі вырашыла ўскладніць працу рэпетытараў. У праекце пастановы адзначалася, што рэпетытары павінныя прытрымлівацца школьнай праграмы, а таксама выконваць "маральныя і этычныя нормы".
