Расійскія памежнікі паведамілі беларускім калегам пра пазіцыю па памежнай зоне
Увядзенне памежнай зоны ў Расіі на мяжы з Беларуссю не створыць дадатковыя абмежаванні для грамадзян абедзвюх дзяржаваў. Пра гэта расійскія памежнікі паведамілі беларускім калегам, перадае ria.ru са спасылкай на афіцыйнага прадстаўніка Памежнага камітэта Беларусі Антона Бычкоўскага.
Як паведамлялася раней, дырэктар ФСБ Аляксандр Бортнікаў загадаў з 7 лютага ўвесці памежную зону з Беларуссю ў Пскоўскай, Смаленскай і Бранскай абласцях. У загадах Бортнікава гэтае рашэнне тлумачыцца стварэннем неабходных умоваў аховы мяжы Расіі.
"Расійскія калегі давялі да нашага боку сваю афіцыйную пазіцыю па гэтым пытанні. Нам растлумачылі, што загады, якія выдаў дырэктар ФСБ Бортнікаў, не прадугледжваюць дадатковых абмежаванняў для грамадзян Расійскай Федэрацыі і Рэспублікі Беларусь, наступных праз памежную зону", — распавёў Бычкоўскі.
Па яго словах, правілы знаходжання грамадзян Беларусі і Расіі ў памежнай зоне і правядзенне там розных работ вызначаныя загадам ФСБ ад 2012 года.
Дарэчы, як дзейнічае пашпартны кантроль на беларуска-расійскай Еўрарадыё праверыла яшчэ ў першы дзень.
