17 верасня: народнае адзінства на крыві і пошук новых старых ворагаў — эфір

Лукашэнкаўцы прыкладаюць неймаверныя ідэалагічныя намаганні, каб прымусіць беларусаў прыняць і радасна сустракаць прыдуманае ў сутарэннях лукашэнкаўскай адміністрацыі свята пра “народнае адзінства”. Здавалася б, і назва добрая, і тэма важнае, але знаходзіцца шмат розных “але”. Пачынаючы з таго, што далёка не для ўсіх беларусаў, якія пражывалі на тэрыторыі Заходняй Беларусі, прыход савецкіх войскаў стаў шчаслівым вызваленнем з-пад “прыгнёту панскага”. І працягваючы тым, што дзень 17 верасня для суседняй Польшчы стаў пачаткам вайны.

Якое значэнне для Беларусі мелі падзеі 17 верасня 1939 года і ці сапраўды для беларусаў Заходняй Беларусі гэта стала вызваленнем? Што стаіць за ўпартымі пошукамі Лукашэнкам ворагаў на захад ад Брэста і да чаго могуць прывесці размовы пра “страчаныя тэрыторыі”? Як змяніліся “Вусы Скарыны” і што адбываецца з Кніжным Магістратам? На гэтыя ды іншыя пытанні ў эфіры Еўрарадыё адказвае гісторык, вядоўца гістарычнага ютуб-канала “Вусы Скарыны”, грамадскі актывіст Цімафей Акудовіч.