Расія выкарыстоўвае беларускія кампаненты ў ракетах Х-69 — Андрэй Ярмак

У ракетах Х-69 расіяне выкарыстоўваюць беларускія кампаненты, заявіў кіраўнік Офіса прэзідэнта Украіны.

"Расіяне выкарыстоўваюць у вырабе ракет Х-69 кампаненты, якія зробленыя ў Беларусі", — напісаў Андрэй Ярмак у сваім тг-канале. Пры гэтым ён не ўдакладніў, пра якія менавіта кампаненты ідзе гаворка.

Х-69 — новая расійская крылатая ракета класа "паветра-зямля". Яе характарызуюць як малапрыкметны варыянт ракеты Х-59 МК2. Упершыню Х-69 паказалі ў жніўні 2022 года.

Для нанясення ўдараў па Украіне яе выкарыстоўваюць з мінулага года. Гэтая ракета мае хуткасць да 1000 км/гадз., баявую частку масай каля 300 кг. У адкрытых крыніцах паведамляецца, што ракета можа ляцець на вышыні да 20 м, што значна ўскладняе яе выяўленне радарамі.