Раніцай на Мінскім моры тануў чалавек (фота)

У затоцы Мінскага мора ў Заслаўі тануў чалавек. Як інфармуе прэс-служба ратавальнікаў, здарэнне адбылося пасля 7-й гадзіны раніцы. Мужчына трапіў у палонку ў 20 метрах ад берага. Яго выратавалі супрацоўнікі МНС і перадалі пацярпелага медыкам. З агульным пераахаладжэннем мужчыну завезлі ў бальніцу ў рэанімацыю.

Як вядома, з 1 сакавіка ў Мінскай вобласці, з мэтай прадухілення няшчасных выпадкаў, забаронена выходзіць на лёд.