Прэм'ера Брытаніі Борыса Джонсана перавялі ў рэанімацыю
Стан здароўя брытанскага прэм'ера Борыса Джонсана пагоршаў. Як паведамляе Бі-Бі-Сі, кіраўніка брытанскага ўрада, які ляжыць у лонданскім шпіталі Сэнт-Томас, у панядзелак перавялі ў аддзяленне рэанімацыі і інтэнсіўнай тэрапіі.
Паведамляецца, што Джонсан знаходзіцца ў прытомнасці і не падлучаны да апарата штучнай вентыляцыі лёгкіх.
У брытанскім урадзе перавод Джонсана ў рэанімацыю тлумачаць мерамі засцярогі.
Пры неабходнасці Джонсан папрасіў, каб яго замяшчаў кіраўнік МЗС Брытаніі Дамінік Рааб.
У сваім пасце ў Твітары, які з'явіўся за некалькі гадзін да пераводу ў рэанімацыю, Джонсан напісаў, што ён бадзёры духам і знаходзіцца на сувязі са сваёй камандай.
Last night, on the advice of my doctor, I went into hospital for some routine tests as I’m still experiencing coronavirus symptoms. I’m in good spirits and keeping in touch with my team, as we work together to fight this virus and keep everyone safe.
— Boris Johnson #StayHomeSaveLives (@BorisJohnson) April 6, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
