Прапагандыстку Людмілу Гладкую прынялі ў Саюз пісьменнікаў
Прапагандыстку Людмілу Гладкую прынялі ў праўладны Саюз пісьменнікаў Беларусі. Такое рашэнне прыняў яго прэзідыўм, піша zviazda.by. Супрацоўніцу газеты "СБ. Беларусь сегодня" называюць "публіцысткай".
Гладкая вядомая сваёй "публіцыстыкай" пра апанентаў улады, са здзекамі піша пра палітвязняў, наведвае суды над імі. Яе тэксты выходзілі асобнымі выданнямі. У траўні Людміла Гладкая спрычынілася да закрыцця мінскай прыватнай кнігарні "Кнігаўка" выдавецтва "Янушкевіч" і затрымання яе супрацоўнікаў.
