Пракуратура Варшавы шукае беларуса за забойства полькі

Па падазрэнні ў забойстве акруговая пракуратура Варшавы абвясціла ў вышук 33-гадовага грамадзяніна Беларусі Эрыка Пятрова. Пасля шматмесячнага расследавання было ўстаноўлена, што менавіта ён з'яўляецца вінаватым у забойстве Ізабелы Р.-Х., піша interia.pl.

Забойства маладой бухгалтаркі Ізабелы Р.-Х. адбылося 16 кастрычніка 2023 года ў адным з варшаўскіх гатэляў. Яе цела знайшлі ў нумары праз два дні. Жанчына была задушаная пятлёй.

Паведамляецца, што Пятроў у кастрычніку 2023 года павінен быў пакінуць Польшчу. Цяпер ён можа знаходзіцца ў Беларусі.

Яму пагражае пакаранне ад 10 гадоў пазбаўлення волі да пажыццёвага зняволення.