Пра ўвоз у РБ расійскай вайсковай тэхнікі і кантынгенту паведамляюць чыгуначнікі

Эшалон з вайсковай тэхнікай і кантынгентам з Расіі прыбыў у Беларусь у ноч з 29 на 30 сакавіка.

Як паведамляе Супольнасць чыгуначнікаў Беларусі, цягнік пад нумарам 961 праследаваў праз Оршу да станцыі Азярышча пад Мінскам.

"Па наяўных у нас даных, эшалон налічваў 14 вагонаў-платформаў і 1 пасажырскі вагон з асабістым складам УС РФ. Платформы задзейнічаліся для перавозкі бронетэхнікі, якая была ідэнтыфікаваная як бронеаўтамабілі "Тыгр", некаторыя адзінкі з якіх прадстаўлялі з сябе медыцынскія мадыфікацыі з пазначэннямі ў выглядзе чырвоных крыжоў. Адсутнасць цяжкай тэхнікі і наяўнасць выключна бронеаўтамабіляў дадзенага тыпу можа сведчыць аб перакідцы спецыялізаванага падраздзялення, які дзейнічае ў рамках абмежаванага і мабільнага складу", — заяўляюць чыгуначнікі.

Каля станцыі "Азярышча" размяшчаюцца некалькі вайсковых часцей, у тым ліку 120-я асобная механізаваная брыгада, 127-я гвардзейская брыгада сувязі, а таксама 56-ы асобны полк сувязі. Гэты раён часта выкарыстоўваецца для часовага размяшчэння і перакідвання расійскіх войскаў. У Супольнасці чыгуначнікаў кажуць, што прыбыццё новага вайсковага эшалона можа быць звязана як з ратацыяй расійскіх сіл у Беларусі, так і з падрыхтоўкай да чарговага этапу сумесных вучэнняў.