Польскія цыганы-махляры актывізаваліся на Гродзеншчыне
Пра гэта папярэджвае ўпраўленне крымінальнага вышуку УУС Гродзенскага аблвыканкаму.
Паводле спецыялістаў упраўлення, пачасціліся выпадкі махлярства, ахвярамі якога робяцца людзі сталага веку. Польскія цыганы прапануюць ім розныя тавары (у асноўным посуд), уваходзяць у давер і пасля падманваюць старых на грошы, наўмысна завышаючы кошт тавараў.
Пры гэтым цыганы казалі пацярпелым, што маюць з імі агульных далёкіх сваякоў у Польшчы.
На сёння міліцыя Гродзеншчыны зафіксавала чатыры такія факты, інфармуе БелаПАН.
