Парушэнні знайшлі ў 86% крам сеткі "Суседзі"
"Маніторынг" / mazyr.by
Парушэнні дзейнага заканадаўства знайшлі ў 86% крам сеткі "Суседзі". Праверкі прайшлі ў Мінску і ў рэгіёнах (Магілёў, Віцебск, Ліда і г. д.).
Як піша прэс-служба Міністэрства антыманапольнага рэгулявання і гандлю, яго супрацоўнікі праводзілі "кантрольна-аналітычныя мерапрыемствы". Чыноўнікі выявілі прадукты са скончанымі тэрмінамі прыдатнасці, невыкананне патрабаванняў да асартыментных спісаў, неналежнае афармленне цэннікаў, "адсутнасць неабходных сродкаў вымярэння", а таксама інфармацыі для спажыўцоў.
У сетцы "Суседзі" налічваецца больш за 250 крам.
