Памёр беларус, якому ў Польшчы перасадзілі сэрца
Ілля Жалезнякоў / Еўрарадыё
У Польшчы памёр Ілля Жалезнякоў — беларус, якому ў гэтай краіне перасадзілі сэрца.
У "звычайным" жыцці Ілля быў тату-майстрам з Гомеля. Ён даўно пераехаў у Польшчу, але не застаўся ўбаку ад пратэстаў 2020-га: рабіў плакаты, друкаваў цішоткі з БЧБ-сцягам, дапамагаў арганізоўваць мітынгі.
Але "звычайнае" жыццё скончылася, калі пачаліся сур'ёзныя праблемы з сэрцам. Паўтара года хлопец фактычна пражыў у лякарні. У сакавіку 2025 года яму зрабілі перасадку сэрца.
Аднак новы орган не прыжыўся. У лістападзе Іллі не стала. Яго пахавалі ў Беларусі.
У Іллі засталася чатырохгадовая дачка.
