Паглядзіце, якія прыгожыя срэбрыстыя аблокі былі сёння ноччу
Яны ўтвараюцца на вышыні да 85 кіламетраў — гэта амаль Космас! / @nadvorie
Ноччу 3 ліпеня над Беларуссю і Польшчай можна было назіраць даволі рэдкае з’яўленне — срэбрыстыя аблокі. У навуцы яны вядомы як Noctilucent Clouds, або палярныя мезасферныя аблокі, піша канал @nadvorie.
Срэбрыстыя аблокі над Варшавай / Wilanów
Яны фармуюцца ў мезасферы, на вышыні 76–85 км, што робіць іх самымі высокімі аблокамі ў зямной атмасферы. Іх можна ўбачыць у летнія месяцы, калі мезапаўза — самы халодны ўзровень.
Аблокі відаць у перыяд глыбокіх змярканняў, калі Сонца ўжо знаходзіцца пад гарызонтам, але яшчэ асвятляе верхнія пласты атмасферы.
