Па паўднёвым захадзе Беларусі ў ў чацвер зноў будзе да +30
Цёплае надвор'е, ілюстрацыйнае фота / pixabay.com
У чацвер, 4 верасня, у Беларусі прагназуецца пераменная воблачнасць, паведамляе Белгідрамет.
Пераважна па заходняй палове краіны пройдуць кароткачасовыя дажджы, у асобных раёнах прагрымяць навальніцы. Вецер чакаецца пераменных кірункаў ад слабога да ўмеранага, пры навальніцах — парывісты.
Уначы тэрмометры пакажуць ад +5 па ўсходзе да +18 градусаў па захадзе краіны. Удзень чакаецца 23-29 градусаў вышэй за нуль. Па паўднёвым захадзе краіны паветра прагрэецца да 30 градусаў цяпла. Сіноптыкі абвясцілі аранжавы ўзровень небяспекі.
5-6 верасня месцамі па Беларусі чакаюцца кароткачасовыя дажджы і навальніцы. Удзень прагназуецца ад 18-20 градусаў цяпла па ўсходзе да 29-31 градуса па паўднёвым захадзе краіны.
