На японскай АЭС выяўлена ўцечка радыёактыўнай вады ў мора

Вада, якая змяшчае высокі ўзровень радыяцыі, выцякае з аварыйнай АЭС "Фукусіма-1" у Ціхі акіян, паведамляе ў суботу агенцтва Асашыэйтэд Прэс са спасылкай на заяву прадстаўніка японскага агенцтва па ядзернай бяспецы NISA Хідэхіко Нішыямы.

Замеры паветра над месцам уцечкі вады складаюць адну тысячу мілізівертаў у гадзіну. Калі чалавек падвергнецца апрамяненню 500 мілізівертаў на працягу кароткага перыяду часу, гэта можа прывесці да падвышанай рызыкі ракавага захворвання.

Уцечка "забруджанай" вады адбываецца з тэхнічнага рэзервуара, які размешчаны на ўскраіне тэрыторыі комплексу АЭС. "Гэта можа быць адной з крыніц заражэння радыяцыяй марской вады", - сказаў Нішыяма. Ён не выключыў, што падобныя ўцечкі радыяцыі могуць быць і ў іншых месцах комплексу АЭС. "Мы павінны іх знайсці як мага хутчэй", - адзначыў спецыяліст.

Пакуль няма інфармацыі, ці падвергліся ўздзеянню радыяцыі супрацоўнікі АЭС, паведамляе РИА Новости.