На Гродзеншчыне школьнікі пабывалі ў падземных сховішчах
Дзяцей вучылі карыстацца процігазамі / slonves.by
На Гродзеншчыне школьнікі пабывалі ў ахоўных падземных сховішчах. Гэтую акцыю ратавальнікі арганізавалі напярэдадні Міжнароднага дня грамадзянскай абароны.
У Гродне ў адно са сховішчаў (агулам у абласным цэнтры іх 112) прывялі на эскурсію вучняў 11-х класаў. Пры надзвычайным здарэнні, хімічным заражэнні ці радыцыі там можа схавацца каля 300 чалавек. "Спадзяемся, гэтыя веды ніколі не спатрэбяцца", — кажа ратавальнік у сюжэце абласнога тэлебачання.
У Слоніме школьнікаў прывялі ў падземнае сховішча камвольна-прадзільнай фабрыкі. Ім расказалі пра памяшканні і іх прызначэнне, вучылі карыстацца процігазамі.
