Мінгандлю прымусіла А1 і МТС вярнуць тарыфы з безлімітным інтэрнэтам

Мінгандлю прымусіла А1 і МТС вярнуць тарыфы з безлімітным інтэрнэтам. Так ведамства "абараніла правы спажыўцоў".

Сотавыя аператары збіраліся закрыць лінейкі тарыфаў "Без лимита" і "Безлимитище". Але сінхронна перадумалі.

А1 вяртае тарыфы з лінейкі “Без лимита”, якія “палюбіліся карыстальнікам”. Хаця яны і не будуць дасяжныя для новых падключэнняў.

МТС жа вырашыў перанесці дату закрыцця тарыфных планаў з лінейкі “Безлимитище”. І нават дазволіць вярнуцца абанентам, якія сыйшлі на іншыя тарыфныя планы пасля абвесткі пра закрыццё.

Высветлілася, што ў справу ўмяшаўся МАРГ. 5 чэрвеня там ініцыявалі сустрэчу з прадстаўнікамі А1 і МТС, а таксама Міністэрства сувязі.

Было агучана, што беларусы закідалі ведамствы скаргамі на закрыццё безлімітных тарыфных планаў і прымусовы перавод на даражэйшыя тарыфныя планы. Чыноўнікі вырашылі, што ў аднабаковым парадку так паступаць нельга. І запатрабавалі ад сотавых аператараў вярнуць абанентаў на ранейшыя безлімітныя тарыфы, што тыя і былі вымушаныя зрабіць.