Мікрафінансавым арганізацыям забароняць пазычаць "грошы да заробку"

Гэта прадугледжана праектам указа прэзідэнта, які можа быць прыняты ў бліжэйшы час, перадае БелаПАН.

 
У абгрунтаванні да праекту ўказа паведамляецца, што мікрафінансавыя арганізацыі не заўсёды выконваюць абавязацельствы, узятыя перад насельніцтвам. Так, сёлета ў красавіку Нацбанк атрымаў некалькі скаргаў ад ўкладчыкаў аднаго з спажывецкіх кааператываў, якія сутыкнуліся з праблемай вяртання сваіх грашовых сродкаў, даручаных мікрафінансавай арганізацыі.

У абгрунтаванні да праекту ўказа таксама паведамляецца аб прыкладах нядобрасумленнай рэкламы мікрафінансавых арганізацый, накіраванай на атрыманне сродкаў фізічных асоб.

На думку беларускіх эканамістаў, увядзенне забароны на прыцягненне мікрафінансавых арганізацыях сродкаў фізічных асоб апраўдана. Фінансавы аналітык даследчай групы BusinessForecast.by Аляксандр Муха кажа, што гэта заслон для дзейнасці фінансавых пірамідаў.

Дарэчы, разам з увядзеннем забароны на прыцягненне сродкаў фізічных асоб мікрафінансавым арганізацыям плануецца таксама забараніць выдаваць спажывецкія пазыкі насельніцтву. Згодна з падрыхтаваным праектам указа, права выдаваць спажывецкія пазыкі насельніцтву мікрафінансавых арганізацыі страцяць з 2015 года. У абгрунтаванні гаворыцца, што мікрафінансавыя арганізацыі выдавалі пазыкі па звышвысокіх стаўках.

Фота — dengy.by