Маск узначаліў рэйтынг самых багатых людзей свету

Ілан Маск узначаліў рэйтынг самых багатых людзей свету. Амерыканскі бізнесмен заняў першы радок у рэйтынгу выдання Forbes. Яго багацце ацанілі ў 342 мільярды долараў.

У першую дзясятку таксама ўваходзяць:

Марк Цукерберг ($216 млрд) — заснавальнік кампаніі Meta, якой належаць Facebook і Instagram;

Джэф Безас (215 млрд долараў) — заснавальнік кампаніі Amazon;

Лары Элісан ($192 млрд) — старшыня праўлення, галоўны тэхдырэктар і сузаснавальнік праграмнага гіганта Oracle;

Бернар Арно і сям'я ($178 млрд долараў) — кіраўнік канцэрна LVMH, які складаецца з 75 модных і касметычных брэндаў;
   
Уорэн Бафет (154 мільярды долараў) — інвестар;
   
Лары Пэйдж ($144 млрд) — экс-прэзідэнт Alphabet, мацярынскай кампаніі Google, цяпер — член праўлення і кантрольны акцыянер;
   
Сяргей Брын (138 млрд долараў) — экс-прэзідэнт Alphabet, цяпер — член праўлення і кантрольны акцыянер;

Амансіа Артэга (124 млрд долараў) — экс-прэзідэнт бізнэс-групы Inditex, якая валодае тэкстыльнымі брэндамі Zara, Massimo Dutti, Bershka, Oysho, Pull and Bear, Zara Home, Stradivarius і інш;
   
Стыў Балмер ($118 мільярдаў) — былы генеральны дырэктар Microsoft.