Масавыя ўдары па поўдні Украіны: Адэса і Мікалаеў застаюцца без святла і цяпла

Расійскія войскі ў ноч на 13 снежня атакавалі грамадзянскую і крытычную інфраструктуру Адэскай і Мікалаеўскай абласцей. У Адэсе праз пашкоджанне цягавых падстанцый спынена рух трамваяў і тралейбусаў, а вялікая частка горада засталася без цяпла і водазабеспячэння. Паводле дадзеных мясцовых улад, пацярпелі некалькі чалавек, загінуўшых няма.

У Мікалаеўскай вобласці ўдары закранулі населеныя пункты Баштанскага і Мікалаеўскага раёнаў, а таксама электратранспорт горада Мікалаеў. Пяць чалавек атрымалі траўмы, трое шпіталізаваны ў стане сярэдняй цяжкасці.

Прэзідэнт Уладзімір Зяленскі паведаміў, што за ноч Расія запусціла больш за 450 ударных дронаў і 30 ракет, што прывяло да пашкоджання больш за дзесяць грамадских аб’ектаў і масавых адключэнняў электраэнергіі ў некалькіх абласцях, уключаючы Кіраваградскую, Сумскую, Харкаўскую, Херсонскую і Чарнігаўскую.