Лукашэнка ўзнагародзіў сына намесніцы кіраўніка сваёй адміністрацыі

Аляксандр Лукашэнка ўзнагародзіў сына намесніцы кіраўніка сваёй адміністрацыі. 31-гадовы пракурор Максім Чупрыс атрымаў медаль “За працоўныя заслугі”.

Максім Чупрыс — сын Вольгі Чупрыс, намкіраўніцы адміністрацыі Лукашэнкі. Ён імкліва будуе кар’еру ў пракуратуры, у тым ліку на палітычных справах. Так, ён быў дзяржаўным абвінаваўцам у справе “аб падпале вусоў коткі Гайдукевіча”, паводле якой Вадзіму Пракоп’еву завочна далі 25 гадоў турмы.

Паводле звестак Еўрарадыё, бацька Максіма Чупрыса — палкоўнік Кірыл Чупрыс, працуе ў кіраўніцтве Спартовага камітэта ВС.

Вадзіма Пракоп'ева асудзілі завочна яшчэ на 25 гадоў зняволення