Лукашэнка: У Казахстане ўсяго толькі адна наша рота

Аляксандр Лукашэнка спрабуе пераканаць суайчыннікаў, што беларускія вайскоўцы "у Казахстан прыйшлі не забіваць і нават не ваяваць". "Мы — людзі мірныя, — кажа ён. — І нашы вайскоўцы таксама мірныя людзі". Паводле яго слоў, беларусы павінны дапамагчы казахам "спыніць братазабойчую вайну". І згадаў, што "Казахстан — гэта наша эканоміка".

Лукашэнка абвінаваціў нейкія "замежныя сілы" ў арганізацыі беспарадкаў у Казахстане. Але мэтай гэтай акцыі ён бачыць Расію, якую хочуць "утапіць у крыві". І калі б гэта атрымалася, то праз Беларусь "проста пераступяць". Адпаведна, каб гэтага не адбылося, трэба тушыць "пажар" у Казахстане.

Кіраўніком "міратворцаў АДКБ" у Казахстане з'яўляецца камандуючы ПДВ РФ генерал-палкоўнік Андрэй Сердзюкоў. Усе расійскія вайскоўцы, якія туды адпраўлены, маюць баявы вопыт.