Літва не чакае правакацый падчас вучэнняў "Захад-2025"
Падрыхтоўка да вучэнняў "Захад-2025" / 103 Витебская воздушно-десантная бригада
Генштаб Літвы лічыць, што правакацыі падчас вучэнняў "Захад-2025" малаверагодныя. Пра гэта кажа начальнік Генштаба Раймундас Вайкшнарас са спасылкай на звесткі выведкі.
"Я хачу запэўніць людзей, што сёння ніякіх сур'ёзных рызык няма", — цытуе Вайкшнараса Літоўскае выданне LRT.
У вучэннях, паводле звестак літоўскага боку, возьмуць удзел блізу 8 тысяч вайскоўцаў. У гэты ж час у Літве, Латвіі, Эстоніі і Польшчы будуць знаходзіцца каля 40 тысяч салдат.
"Усюды, не толькі на сушы, але і на моры, і ў паветры. Я думаю, што той колькасці, якая будзе тут, у рэгіёне, дастаткова, нават калі будуць правакацыі, што малаверагодна, але мы павінны быць пільнымі", — сказаў начальнік генштаба.
Сумесныя расейска-беларускія вайсковыя вучэнні "Захад-2025" запланаваныя на 12-16 верасня.
