Латвія хоча спыніць рэгулярныя аўтобусныя рэйсы ў Беларусь
Латвія хоча спыніць рэгулярныя аўтобусныя рэйсы ў Беларусь. / Тэлеграм
Міністэрства транспарту Латвіі ініцыявала працэс падрыхтоўкі да магчымай адмены рэгулярных аўтобусных перавозак пасажыраў у Беларусь. Аўтатранспартная дырэкцыя (ATD) атрымала даручэнне распрацаваць адпаведнае прававое абгрунтаванне, якое дазволіць не падаўжаць дзеючыя ліцэнзіі. Паводле інфармацыі прэс-службы ведамства, аналагічныя абмежаванні могуць быць уведзены і адносна Расіі, паведамляе press.lv.
Ліцэнзіі дзейных транспартных кампаній застаюцца сапраўднымі яшчэ на працягу аднаго-двух гадоў. Абмежаванні не закрануць турыстычныя аўтобусы і прыватны аўтатранспарт.
На дадзены момант рэгулярныя пасажырскія перавозкі ў Беларусь ажыццяўляе кампанія SIA Latlines. Яе рэйсы ў Віцебск, Мінск і Гомель маюць ліцэнзіі, сапраўдныя да студзеня, лютага і чэрвеня 2026 года адпаведна, прычым некаторыя з іх выконваюцца штодзённа.
