Кібератака выклікала збоі ў еўрапейскіх аэрапортах

У шэрагу еўрапейскіх аэрапортаў 19 верасня адбыліся збоі ў працы сістэм рэгістрацыі і пасадкі праз кібератаку, паведамляе Spiegel. Найбольш пацярпелі аэрапорты Берліна і Брусэля.

У берлінскім аэрапорце ўдакладнілі, што атака была накіраваная не на сам аэрапорт, а на старонняга пастаўшчыка, чые сістэмы выкарыстоўваюцца па ўсёй Еўропе.

"З-за тэхнічнай няспраўнасці ў сістэме пастаўшчыка, якая выкарыстоўваецца па ўсёй Еўропе, час чакання на рэгістрацыю павялічыўся. Мы працуем над хуткім вырашэннем праблемы," — паведамілі там.

У Брусэлі з-за атакі даступная толькі ручная рэгістрацыя. Пасажыраў просяць загадзя прыязджаць у аэрапорт і правяраць статус рэйсаў у авіякампаній.

Збоі таксама зафіксавалі ў лонданскім Хітроў, але там іх патлумачылі “тэхнічнай праблемай” пастаўшчыка. Якія яшчэ аэрапорты пацярпелі — пакуль невядома.