Хакеісты мінскага "Дынама" ў гасцявым матчы прайгралі "Лакаматыву"
Хакейны матч "Дынама-Мінск" — "Лакаматыў" / ХК "Дынама-Мінск"
Хакеісты мінскага "Дынама" 6 лютага ў рамках чэмпіянату КХЛ гулялі ў гасцях у яраслаўскага "Лакаматыва".
Гульня скончылася з лікам 2:0 (0:0, 0:0, 2:0) на карысць гаспадароў.
На сёння падапечныя Дзмітрыя Квартальнава займаюць сёмы радок Заходняй канферэнцыі КХЛ, маючы на сваім рахунку 61 ачко. "Лакаматыў" узначальвае канферэнцыю з 82 ачкамі.
"Зубры" атрымалі паўзу амаль на тыдзень — праз Матч зорак КХЛ. Наступную сустрэчу дынамаўцы правядуць 12 лютага ў сябе дома. Іх сапернікам зноў будзе "Лакаматыў".
