Касмічны карабель Starship зноў выбухнуў
Касмічны карабель Starship, восьмая спроба / Getty Images
Восьмая спроба запуску касмічнага карабля Starship завяршылася беспаспяхова.
Прыкладна праз 10 хвілін пасля пачатку выпрабавальнага запуску з касмадрома ў Паўднёвым Тэхасе, сувязь з караблём была страчаная. На той момант яму заставалася каля 20 секундаў да канца ўздыму.
Першая ступень — ракета-носьбіт Super Heavy — паспяхова прызямлілася на стартавы комплекс. Але сам Starship выбухнуў над Карыбскім морам, і гэта было бачна з некаторых раёнаў Фларыды. У некалькіх аэрапортах Фларыды былі ўведзеныя часовыя абмежаванні на палёты — праг пагрозу падзення абломкаў.
Гэта восьмы выпрабавальны запуск Starsip без экіпажа. Папярэдняя спроба таксама была няўдачнай.
На сёння Starship — самая вялікая і самая магутная касмічная ракета. У NASA спадзяюцца з яе дапамогай пілатаваныя палёты на месяц. А Ілан Маск плануе з дапамогай гэтага праекта адправіць людзей на Марс.
