Капыльскі райвыканкам просіць прадпрыемства даць грошы на феерверк
Капыльскі райвыканкам просіць адно з прадпрыемстваў "праспансіраваць" яго на кругленькую суму — 14 тысяч рублеў. Дакумент даслаў адзін з чытачоў Еўрарадыё.
Грошы будуць літаральна выкінутыя ў паветра: выдаткаваць іх плануецца на аплату феерверка ў другі дзень Дня беларускага пісьменства. Гэтае свята будзе адзначацца ў бліжэйшыя выходныя. Месцам святкавання сёлета якраз абраны Капыль.
