Кампанія з беларускімі каранямі PandaDoc купіла нямецкую фінтэхкампанію Denario

Кампанія PandaDoc, заснаваная беларусамі, купіла берлінскую фінтэхкампанію Denario, піша Officelife.

Угода была завершаная ў жніўні. У якую суму абышлася гэтая купля, не паведамляецца.

Кампанію PandaDoc заснавалі ў 2013 годзе ў Мінску Мікіта Мікада і Сяргей Барысюк.

У 2021-м стартап PandaDoc увайшоў у рэйтынг найлепшых тэхналагічных кампаній Паўночнай Амерыкі North America Technology Fast 500. PandaDoc — адзіны беларускі "аднарог" (стартап, які каштуе больш за мільярд долараў).

У 2020-м Мікіта Мікада падтрымаў пратэстоўцаў і прапанаваў дапамогу сілавікам, якія захочуць звольніцца. Пасля гэтага сілавікі затрымалі некалькі супрацоўнікаў кампаніі, каб аказаць ціск на яе. У выніку PandaDoc закрыла офіс у Беларусі і вывезла супрацоўнікаў.