Кампанія А1 адключала мабільны інтэрнэт па патрабаванні дзяржорганаў
Аператар А1 патлумачыў прычыну збояў у працы мабільнага інтэрнэту ў Мінску 23 жніўня.
"Са шкадаванне паведамляем, што па патрабаванні дзяржаўных органаў у сувязі з забеспячэннем нацыянальнай бяспекі істотна зніжаная прапускная здольнасць 3G-сеткі А1 на тэрыторыі некаторых раёнаў горада Мінска", — паведамляе прэс-служба на сайце аператара.
У кампаніі падкрэсліваюць, што ў выніку пагоршылася якасць перадачы даных.
Цалкам адноўленая паслуга была ў 20:42.
Кампанія прыносіць свае прабачэнні абанентам.
23 жніўня ў Мінску адбыўся шматтысячны марш грамадзян, якія не прызнаюць афіцыйныя вынікі выбараў і пратэстуюць супраць гвалту з боку сілавікоў. У сталіцу былі ўведзеныя спецназ і войскі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
