Фінская OLVI спрабуе прадаць "Лідскае піва": яна ў спісе забароненых інвестараў

Пра намер сысці з Беларусі OLVI казала яшчэ ў траўні, аднак у ліпені Саўмін вырашыў так проста замежных інвестараў не адпускаць. Цяпер для продажу "Лідскага піва" OLVI трэба атрымаць дазвол уладаў.

— Нягледзячы на новыя абмежаванні, кіраўніцтва кампаніі мяркуе, грунтуючыся на наяўнай цяпер інфармацыі і перамовах, праведзеных з мясцовымі ўладамі, што магчыма ажыццявіць адчужэнне ў адпаведнасці з раней вызначаным 12-месячным перыядам, — гаворыцца ў справаздачы.

Пакінуць Беларусь OLVI вырашыла праз саўдзел рэжыму Лукашэнкі ў расійскай агрэсіі супраць Украіны.