Экс-мужа Мельнікавай бачылі два тыдні таму ў Нясвіжы
Анжаліка Мельнікава з экс-мужам Андрэем і дочкамі. Мінск, Беларусь, сакавік 2019 года / Facebook.com/anzhelika.melnikova.9
Былога мужа Анжалікі Мельнікавай з дзецьмі бачылі ў Нясвіжы два тыдні таму. Пра гэта паведамілі крыніцы Еўрарадыё:
"Два тыдні таму бачылі, у яго ўсё добра. Дзе ён цяпер — не ведаю".
Журналісты Еўрарадыё звязвалася з некалькімі знаёмымі Мельнікавых, але ніхто з іх не ведае, дзе можа быць сама Анжаліка.
Паводле звестак польскай паліцыі, Андрэй Мельнікаў выехаў з Польшчы ў Беларусь 23 сакавіка. Але пра дзяцей польскія праваахоўныя органы нічога не паведамлялі.
Спікерка Каардынацыйнай рады Анжаліка Мельнікава не выходзіць на сувязь з 25 сакавіка. Згодна з інфармацыяй "Белпола", напрыканцы лютага яна вылятала ў Вялікабрытанію. Пасля гэтага яе сляды згубіліся. Заявы на пошук Мельнікавай пададзеныя ў праваахоўнгыя органы Польшчы і Вялікабрытаніі.
