Дзяўчыне, якая прыехала з Масквы здымаць Ніну Багінскую, далі 15 сутак
Затрыманне Марыі Ціханавай 25 сакавіка ў Мінску / скрын з відэа @pridybaylo
Дзяўчыне, якая для курсавой працы прыехала з Масквы здымаць Ніну Багінскую, далі 15 сутак. Затрыманне 23-гадовай Марыі Ціханавай ля ўніверсама Цэнтральны патрапіла на відэа інтэрв'ю з Багінскай. На ім бачна, як за Багінскай ідзе дзяўчына з фотаапаратам і яе груба хапае аза шыю і некуды адводзіць сілавік.
Пазней допыт дзяўчыны выклала прапагандыстка Людміла Гладкая. Марыя распавяла, што яна беларуска, родам з Магілёва, вучыцца ў маскоўскім Інстытуце сучасных мастацтваў па спецыяльнасці "Рэжысура кіно і тэлебачання".
Цяпер Марыя знаходзіцца ў ізалятары ў Жодзіна. Яе імя з'явілася ў спісах валанцёраў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
