Дзяржсакратар ЗША: не бачу прыкмет таго, што Пуцін гатовы спыніцца
Дзяржсакратар ЗША Энтані Блінкен лічыць, што расійскі прэзідэнт Уладзімір Пуцін не настроены ўрэгуляваць сітуацыю з Украінай дыпламатычным шляхам, і збіраецца працягваць вайну. "Я не бачу прыкмет таго, што Пуцін гатовы спыніцца", — заявіў Блінкен.
"Мы падтрымліваем намаганні Украіны, каб паспрабаваць правесці дээскалацыю з дапамогай дыпламатыі, дасягнуць спынення агню і, вядома, вываду расійскіх войскаў", — цытуе словы дзяржсакратара Злучаных Штатаў state.gov.
