Джэф Плат прыме ўдзел у Матчы зорак КХЛ

Зборныя Захаду і Усходу папаўняюцца новымі гульцамі. На афіцыйным сайце КХЛ гаворыцца, што такое рашэнне прынятае з улікам інтарэсаў заўзятараў і разумнымі меркаваннямі прафесійных хакейных журналістаў.

КХЛ вырашыла ўключыць у зорныя каманды чатырох нападнікаў. Да зборнай Захаду далучацца Джэф Плат з мінскага "Дынама" і Якуб Клепіш з "Лева". Зборная Усходу атрымае падмацаванне ў асобах Дзяніса Паршына ("Тарпеда") і Яўгена Кузняцова з "Трактара".

Нагадаем, што ў ранейшы склад зборных не быў уключаны ніводзін з мінскіх дынамаўцаў.

Фота — hcdinamo.by