Трамп уступіў на пасаду прэзідэнта ЗША і аб'явіў "рэвалюцыю здаровага сэнсу"
Віцэ-прэзідэнт Джэй Дзі Вэнс і прэзідэнт Дональд Трамп / AFP
Дональд Трамп уступіў на пасаду прэзідэнта ЗША. Ён прынёс прысягу і стаў 47-м прэзідэнтам Злучаных Штатаў. Урачыстая цырымонія прайшла 20 студзеня ў будынку Капітолія ў Вашынгтоне.
78-гадовы Трамп стаў прэзідэнтам другі раз (першы раз — у 2017-2021 гадах).
"Суайчыннікі, цяпер пачынаецца залаты век Амерыкі!", — заявіў Дональд Трамп у сваёй першай прамове. ЗША стануць "яшчэ больш вялікімі" і "яшчэ больш моцнымі, чым калі-небудзь у гісторыі". Але спачатку будзе аналіз усіх наяўных праблем. "Усё зменіцца вельмі хутка!", — паабяцаў амерыканскі прэзідэнт.
"Сёння я падпішу цэлы шэраг гістарычных указаў. Пачнецца рэвалюцыя здаровага сэнсу!", — заявіў прэзідэнт ЗША. Ён паабяцаў найперш аб'явіць надзвычайную сітуацыю на паўднёвых межах, каб спыніць "уварванне" нелегальных мігрантаў. Ён абвесціць наркакартэлі тэрарыстычнымі арганізацыямі. Паабяцаў "аднавіць закон і парадак" у гарадах.
Будзе ўведзена надзвычайнае становішча ў энергетыцы і пачнецца маштабная здабыча нафты і газу ў ЗША для зніжэння коштаў. "Ёсць толькі два полу — мужчынскі і жаночы", — яшчэ адна заява Дональда Трампа. Ён паабяцаў вярнуць Панамскі канал, а Мексіканская затока стане Амерыканскай. А на Марсе астранаўты ўсталююць амерыканскі сцяг. Усе войны ў свеце спыняцца.
Трамп збіраецца спыніць "усялякую цэнзуру", каб "вярнуць Амерыцы свабоду слова".
