Дональд Трамп амаль дамовіўся з Кітаем пра TikTok, але потым з'явілся пошліны

05/04/2025 - 11:57

Прэзідэнт ЗША хоча, каб амерыканскую частку сацсеткі як мага хутчэй набылі амерыканскія інвестары

Прэзідэнт ЗША хоча, каб амерыканскую частку сацсеткі як мага хутчэй набылі амерыканскія інвестары / Axios

Прэзідэнт ЗША Дональд Трамп амаль дамовіўся з Кітаем пра продаж амерыканскага падраздзялення TikTok. Аднак здзелка сарвалася праз новыя пошліны, якія былі ўведзеныя супраць Кітая.

Як паведамляе Bloomberg, пасля некалькіх месяцаў перамоваў амерыканскія чыноўнікі амаль узгаднілі перадачу TikTok пад кантроль амерыканскіх інвестараў. Паводле плана, доля кітайскай кампаніі ByteDance павінна была быць меншай за 20%, каб адпавядаць амерыканскаму заканадаўству, якое абавязвае кампанію пазбавіцца кантролю над TikTok.

Аднак ужо на наступны дзень пасля абвяшчэння Трампам новых пошлін для Кітая Пекін адклікаў згоду. Прадстаўнікі ByteDance заявілі, што ўлады Кітая больш не падтрымаюць здзелку без перамоваў наконт пошлін.

У сувязі з адсутнасцю дамоўленасці TikTok павінен быў быць забаронены ў ЗША ўжо 5 красавіка, таму Трампу давялося адкласці бан сацсеткі яшчэ на 75 дзён, каб працягнуць час на перамовы.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.