Данія разграміла Беларусь у кваліфікацыі чэмпіянату свету. Гэта трэцяя параза
9 кастрычніка прайшоў чарговы матч кваліфікацыі / АБФФ
У Венгрыі на “хатняй” арэне зборная Беларусі буйна прайграла Даніі ў матчы адбору на чэмпіянат свету па футболе 2026 года — 0:6.
Першы гол падапечныя Карласа Алоса прапусцілі ўжо на 12-й хвіліне гульні. Да перапынку лік быў 4:0 на карысць датчанаў. Зборная Беларусі за першыя 45 хвілін здолела нанесці толькі два ўдары ў бок брамы суперніка, у той час як Данія — дзесяць.
Першы тайм прайшоў з поўнай перавагай датчанаў, якія з першых хвілін авалодалі тэрытарыяльнай ініцыятывай. Футбалісты Даніі дакладна рэалізоўвалі моманты, выкарыстоўваючы амаль кожную магчымасць. Беларускія гульцы амаль увесь час былі без мяча і ў атацы нічым асаблівым не запомніліся.
У другім тайме малюнак гульні не змяніўся. Хіба што беларусы змаглі на 61-й хвіліне нанесці адзін удар у створ брамы Даніі. А вось супернік забіў пяты гол на 66-й хвіліне і шосты — на 78-й.
12 кастрычніка Беларусь згуляе супраць Шатландыі.
Становішча ў групе С:
