Бяспраўнікаў у Беларусі збіраюцца караць адміністрацыйным арыштам
Бяспраўнікаў у Беларусі за паўторнае парушэнне на працягу года збіраюцца караць адміністрацыйным арыштам. Гэтая норма прадугледжана законапраектам, які ў чацвер быў прыняты дэпутатамі ў другім чытанні. Гэта — папраўкі ў Кодэкс аб адміністрацыйных парушэннях і ў Працэсуальна-папраўчы кодэкс аб адміністрацыйных правапарушэннях. Пад арышт могуць трапіць і тыя, хто паўторна кіруюць аўтамабілем, не маючы на гэта права, і тыя, хто такой асобе перадаў кіраванне транспартным сродкам. На сённяшні дзень такіх парушальнікаў штрафуюць — ад 115 да 1150 рублёў.
