Беларусам раздадуць 5 кіламетраў стужкі з нацыянальным арнаментам
6 снежня акцыяй “Пазнач сябе беларусам” стартуе грамадская кампанія “Беларуская стужка”.
У межах першай акцыі плануецца раздаць 5000 метраў стужкі з беларускім арнаментам у 100 мабільных і стацыянарных кропках Мінска.
Акцыя адбудзецца ў Мінску. Яна прымеркаваная да маштабнага фестывалю нацыянальнай культуры “Дзень вышыванкі” 13 снежня ў Палацы мастацтва.
“Каб кампанія “Беларуская стужка” стартавала ўдала, а акцыя 6 снежня “Пазнач сябе беларусам” прайшла маштабна, патрэбная кансалідацыя грамадства, стварэнне вялікай каманды і дапамога кожнага неабыякавага беларуса”, — адзначаюць арганізатары.
Пра спосабы, якімі ўсе жадаючыя змогуць дапамагчы ў правядзенні акцы, можна даведацца на старонцы “Арт Сядзібы”.
