БАТЭ сёння гуляе са "Слуцкам", а мінскае "Дынама" — з "Гомелем"
У нядзелю пройдуць два матчы 13-га тура футбольнага чэмпіянату Беларусі ў вышэйшай лізе.
5 ліпеня пройдуць два матчы 13-га тура чэмпіянату Беларусі па футболе ў вышэйшай лізе. БАТЭ згуляе ў гасцях са "Слуцкам", пачатак у 15.30. Мінскае "Дынама" прымае "Гомель", пачатак у 17.30. Жывая трансляцыя гэтага паядынка запланаваная на тэлеканале "Беларусь 5".
Нагадаем, тры матчы тура прайшлі ў суботу. Мазырская "Славія" і гродзенскі "Нёман" згулялі ўнічыю 0:0. Бабруйская "Белшына" ў гасцях разграміла мікашэвіцкі "Граніт" — 5:1. "Мінск" таксама на чужым полі ўчыніў разгром "Віцебску" — 4:0.
Тур закончыцца ў панядзелак двума перанесенымі матчамі. Наваполацкі "Нафтан" прыме жодзінскае "Тарпеда-БелАЗ", а брэсцкае "Дынама" — салігорскі "Шахцёр".
У чэмпіянаце лідыруе БАТЭ — 32 ачкі, у мінскага "Дынама" — 24, па 21 ачку набралі "Белшына" і "Шахцёр", у "Мінска" 20 ачкоў.
Фота: abff.by
