Арыштаваны вядомы неўролаг Руслан Бадамшын — СМІ
Ён знаходзіўся на "хатняй хіміі" / Нордин
Вядомы беларускі неўролаг Руслан Бадамшын арыштаваны і ўтрымліваецца ў СІЗА №1 па абвінавачанні ў "садзейнічанні экстрэмісцкай дзейнасці" (артыкул 361-4 Крымінальнага кодэкса), піша "Наша Ніва".
Да затрымання Бадамшын адбываў пакаранне ў выглядзе "хатняй хіміі". У траўні 2024 года яго асудзілі на тры гады за ўдзел у пратэстах.
На працягу 2020–2021 гадоў неўролаг затрымліваўся на суткі як мінімум пяць разоў, часам яго забіралі проста з працы — з РНПЦ неўралогіі і нейрахірургіі, дзе ён працаваў урачом функцыянальнай дыягностыкі.
Руслан Бадамшын спецыялізаваўся на спадчынных і набытых нервова-мышачных захворваннях, уключаючы спінальную мышачную атрафію (СМА).
Доктар мае 16 гадоў стажу.
