Арсень Яцанюк палічыў прыезд Уладзіміра Пуціна ў Крым правакацыяй
Прэм'ер-міністр Украіны лічыць прыезд расійскага прэзідэнта ў Крым 9 траўня візітам замежнага лідэра на ўкраінскую тэрыторыю.
"Гэта робіцца з мэтай правакацый. Мы лічым гэты акт знаходжаннем замежнага прэзідэнта на тэрыторыі ўкраінскай дзяржавы, бо Крым — гэта тэрыторыя Украіны", — перадае ВВС словы Яцанюка.
Акрамя таго, кіраўнік украінскага ўрада выказаў здагадку, што 9 траўня магчымыя розныя правакацыі на мерапрыемствах, прымеркаваных да дня Перамогі. Ён звярнуўся ў праваахоўныя органы з патрабаваннем узмацніць меры бяспекі.
Пуцін выказаў намер прысутнічаць на ўрачыстасцях 9 траўня ў Севастопалі. Плануецца, што ён прыляціць у крымскі горад пасля парада Перамогі ў Маскве. Пуцін павінен прыняць парад караблёў Чарнаморскага флоту і паветраны парад расійскай авіяцыі. Напярэдадні каля 40 баявых самалётаў, а таксама верталёты армейскай авіяцыі былі перебазаваныя з тэрыторыі Расійскай Федэрацыі ў Крым.
Фота — Reuters
