Аферыст з-пад Рэчыцы па некалькі разоў здаваў чужыя кватэры па ўсёй краіне

Высветлілася, што ў свае 23 гады зламыснік ужо шэсць разоў быў асуджаны. Сваю віну ў афёры з кватэрамі ён не адмаўляў, але і не шкадаваў пра зробленае.

Як паведамляе прэс-служба мінскай міліцыі, ад дзейнасці жыхара Рэчыцкага раёна пацярпелі дзясяткі чалавек. Ён выкарыстоўваў сваю схему здачы чужых кватэраў у розных гарадах Беларусі — у Брэсце, Віцебску, Гродне, Гомелі.

У Мінску ён зняў на суткі кватэру на праспекце Незалежнасці і адразу ж змясціў у інтэрнэце аб'яву — прапанаваў арандаваць гэтую кватэру. Неўзабаве знайшліся кліенты — маладая сям'я заплаціла за два месяцы — 700 долараў. Ключы і дамову арэнды аферыст ім паабяцаў аддаць на наступны дзень, а сам прызначыў сустрэчу новаму кліенту. На гэты раз ён узяў перадаплату — 200 долараў. У той жа дзень малады чалавек вярнуў ключы ад кватэры яе гаспадару і з'ехаў у Магілёў.

Фота — guvd.gov.by