13 беларускіх канькабежцаў у нейтральным статусе пазмагаюцца за Алімпіяду

Як паведамляецца на сайце ISU, усе яны прайшлі спецыяльную праверку. Праводзіўся ўважлівы аналіз публічных выказванняў, каб ацаніць наяўнасць актыўнай падтрымкі ўварвання ва Украіну. Спартсменаў таксама правяралі на сувязі з расійскімі або беларускімі ваеннымі і іншымі дзяржаўнымі органамі бяспекі.

Аднак, калі з’явяцца новыя доказы, якія пацвярджаюць парушэнне крытэрыяў дапушчэння канкрэтнага спартсмена, апублікаваны сёння спіс можа быць зменены.

Любая асоба, якая валодае адпаведнай інфармацыяй, можа канфідэнцыйна паведаміць пра гэта на электронную пошту: [email protected].

ISU працягвае асуджаць уварванне ва Украіну і працягвае фінансавую падтрымку ўкраінскіх фігурыстаў рознымі спосабамі.