Жодзінскую школу эвакуявалі праз пажар у прыбіральні
Пажар у жодзінскай школе / МНС
Пажар у санвузле стаў прычынай эвакуацыі ў жодзінскай школе. Там 31 сакавіка спрацавала пажарная сігналізацыя, паведамляе прэс-служба МНС.
Яшчэ да прыезду ратавальнікаў з будынка эвакуявалі 870 чалавек, у тым ліку 789 навучэнцаў.
Ад пажару была пашкоджаная перагародкау ў санвузле. Ліквідаваў агонь настаўнік фізкультуры. Мужчына надзеў процігаз і заліў узгаранне двума вёдрамі вады.
Пацярпелых пры здарэнні няма. Прычына ўзгарання высвятляецца.
